NIPAHINUMDUM ang kapolisan sa lalawigan sa katawhan nga magmabinantayon aron dili sila mabiktima sa salisi, budol-budol ug fake money.
Giingong niining nagkaduol na ang holiday season mosiaw usab ang mga badlongon sa katilingban.
Matud ni Police Colonel Uzmundo Salibo, hepe sa Bohol Provincial Police Office (BPPO) nga kabahin sa ilahang information dissemination nga ang katawhan magmatngon aron dili mailad.
Gibutyag ni Salibo nga matag tuig manggawas usab ang fake money ug mosiaw usab ang mga badlongon.
“Karon usually December mogawas pod na siya so atong gi-monitor, atong giawhag sab atoang mga establishment, usually raba ang maigo na ani karon kani nang mga ginagmay nga mga establishment kaning walay detector nga makaila sa fake money, especially sa vendors nga dinadali so mao nay luoy kaayo”, matud ni Salibo.
Nasayran nga nadakpan kaniadto sa kapolisan ang usa ka mamuhatay og peke nga kwarta ug padayon nila kining gi-monitor. (RTB)
