GI-TURNOVER na ang World Bank-funded nga 5.5 kilometrong Farm-to-Market road nga ma-serbisyohan ang mga barangay Alegria, Cabadiangan, Candasag ug Bugho sa Loboc.
Ang maong pundo pinaagi sa PRDP ( Philippine Rural Development Program) nga nahimong “5-years in the making” gumikan sa mga kakulian ilabi na nga panahon pa sa pandemya.
Nanambong sila DA Regional Executive Dir. Joel Elumba, Gov. Aris Aumentado, VG Dionisio Victor Balite, 3rd district Congw. Alexie Tutor ug Board Member Nathaniel Binlod nga mainiton nga gidawat ni Loboc Mayor Raymond Jala.
Ang Loboc ang gibansagang “Piece of Heaven” sa Bohol o “Tipik sa Langit”.
Dunay Road Influence Area ang maong proyekto nga 900 hectares ug maka benepisyo sa 295 ka households. (Kahlil Lester O. Camba)
