MAO kini ang mensahe ni Bise Gob. Dionisio Victor A. Balite atol sa “Presentation of CPAFEP to the Local Chief Executives” and other PLGU-PAFES Partners.
Gibatbat ni Balite ang gitudlo sa iyang amahan nga si kanhi Bise Gob. Dioniso “Dioning” Balite kabahin sa “hands-on farming”.
Ang 1st-term Vice Governor maoy kasamtangang tsirman sa Committee on Finance, Budget and Apropriations ug Committee on Agriculture sa Sangguniang Panlalawigan.
Sa maong kalihokan gitapok ang mga Municipal Agriculturist sa mga kalungsoran lakip na ang mga mayor.
Si Sikatuna Mayor Jecjec Ellorimo lamang ang nakatambong sa mga mayor samtang ang Garcia Hernandez girepresentahan ni Municipal Administrator Baltazar Tribunalo Jr.
Si Bise Mayor Jun Angilan maoy nitambong alang sa Catigbian samtang si ABC Pres. Jemilo Puertos ang nagdala sa tingog sa Lungsod sa Dagohoy.
Ang mga nanambong mainitong gi abi-abi ni OIC Provincial Agriculturist Larry Pamugas.
Iyang gipresenta ang Collaborative Agriculture and Fishery Extension Program (CPAFEP) Plan CY 2022-2024. (Kahlil Lester O. Camba)
