“WE are very much ready already.”
Wala man gani manira ang Bohol, wala lay mianhi, ug gani sa panahon sa pandemya, gihimo sa mga tourism stakeholders kauban sa private sector, ang mga gikinahanglan nga buhaton, samtang wala pay mingsulod tungod sa lockdowns, kini maoy pasabut ni Bohol Tourism Officer (BTO) Josephine Cabarrus, didto sa labing bag-o nga Capitol Reports.
Sa mga gikinahanglang buhaton, matud ni Cabarrus nga giduso na sa Bohol ang navalidate ug naduso na ang gihingusgan usab sa Department of Tourism (DOT) nga mga kalihukan sa turismo nga nag-ubay sa Farm, Fork, Fitness tourism.
Karon, ang mga bag-ong suroyanan nga natumbok na sa katapusang duha ka tuig, bukas na human nasuroy ug nasubay na sa mga sakop sa media aron ikapadayag sa tibuok kalibutan.
Saysay usab ni Lourdes Sultan, kinsa maoy representante sa private sector tourism stakeholder, sa tibuok 2 ka tuig nga mga Bol-anon lamang ang mga turista nga misinati sa suroy Bohol tungod sa lockdown, natumbok, navalidate ug naduso na ang Farm, Faith ug Food Tourism, nga mao usaby gikampanya sa DOT.
Sa culinary tourism, human nasuroy sa mga sakop sa nasudnong media ug mga social media influencers ang mga pagkaon, makalipay kay kining mga lugara, nakabenepisyo na dayun sa tursimo.
Nalusad na usab niadtong Hunyo ang outdoor activities sa Bohol, dugang ni Cabarrus.
Kasagaran niini naglakip sa trekking, kayaking ug mountain ug road cycling, mga kalihukan nga buot masinati sa mga turista samtang ania sila sa Bohol.
Sa laing bahin, gipanday na sa Bohol Economic Development and Investment Promotions Office (BIDEPO) ang mga polisiya nga maghatag og mga insentibo ngadto sa mga mamumuhunan nga mosulod.
Kini human mapanday na ang Bohol Economic Devt and Investment Code in the new normal, nga may implementing Rules and Regulations aron mahiusan na usab sa nga LGU policies, aron mahiusan ang mga tax holidays sa mga namuhunan human na sa pandemya.
Ug basi sa mga hinapos nga mga adlaw sa Sandugo sa 32 ka mga nagkadaiyang kalihukan, daghang nilagbas sa Bohol ilabi na sa Ironman 5150 ug sa Dog Show, butang nga nahimong angkla aron masinati, matilawan ang mga kinaham nga pagkaon sa Bohol, dugang ni Ana Loinda Saluan, sa Isang Dugo Foundation. (RAHC/PIA7 Bohol)
