Humor not only chases away the black clouds of depression and despair, but even heals the most severe physical illnesses.
Palamuot. Matud pa sa usa ka manunulat nga si Benjamin Seiller, ang pagkahimuot kuno dili lang makahupay sa kaguol ug pagka-way-paglaum, apan makaayo pa gani sa labing grabe’ng balatian. Nahikurat bitaw kuno ang mga Amerikanhong sundalo nga mitabang sa mga biktima sa mga kusog nga bagyo dinhis atos Pilipinas kay daghan kuno gihapo’ng gangisi taliwa sa kalisud. Dili lalim ug dili tiaw ang nahiaguman sa atong kaigsoonan karon sa Mindanao (baha) ug Luzon (linog). Apan sa gihapon, magpaambit kita sa atong mga palamuot ug pasi-aw.
Joke of the week. Pasyente: Doc, tagpila man na’ng magpa-babyface? Doctor: Kung complete treatment 150 thousand. Pasyente: Kamahal sab uy! Unsa ma’y kinabaratohan para mora ko’g bata tan-awn? Doctor: Aw, pagsup-sup og tsupon, tag20 ra! Bwahahaha!
Mahigalaong pahimangno. NEVER NEVER TEXT AND DRIVE AT THE SAME TIME. Likayi gayud ang pag-text samtang nagmaneho sa bisan unsang sakyanan, awto, trak, motorsiklo, o bisekleta. Aw, bisag pison gud! Kay ngano? Segun sa labing ulahing mga pagtuon, kaniadto ang nag-unang hinungdan sa disgrasya sa kadalanan mao ang DRIVING UNDER THE INFLUENCE OF LIQUOR. Karon, miapas na sa susamang gidaghanon ang disgrasya gumikan sa pagtext samtang nagmaneho. Kung gusto kang mo-text, motawag o modawat og tawag, hunong ug i-lugar imong sakyanan. Way kumo sa pag-amping.
Pahapay. Mao kini ang atong Binol-anong pulong karong semanaha. Buot ipasabot, sinudlayan o hairstyle. Kung gamiton sa sentence: “Nindot man ka’g pahapay ‘pre, mora’g kang FPJ, mora pu’g kang Mr. Suave”. Kon magtukod ko’g barberohan puhon, ako tingale’ng nganlan og, Pahapay Barbershop!
