NAPILI si Governor Aris Aumentado sa Bohol isip Board Member for the Visayas sa League of Provinces of the Philippines.
Kini atol sa gipahigayon nga piniliay sa liga dili pa lang dugay.
Nasayran nga si South Cotabato Governor Reynaldo Tamayo, Jr. ang napili isip bag-ong presidente sa League of Provinces of the Philippines (LPP) atol sa ilang 1st General Assembly & Election of Officers nga gipahigayon sa Maynila Ballroom sa Manila Hotel kaniadtong Hulyo 28, 2022.
Ang League of Provinces of the Philippines (LPP), nga naila usab nga Governor’s League, usa ka organization nga naglangkob sa mga gobernador sa mga lalawigan dinhi sa Pilipinas.
Ang tanang 81 ka mga probinsiya sakop sa maong organisasyon. (RTB)
