SI Gobernador Aris Amentado mipadayag sa iyang pagdayeg sa kapolisan sa pagsumpo’ sa dautang mga lihok ug kriminalidad alang sa kahusay ug kalinaw sa Bohol.
“Good job PNP- Bohol. Sa pagsugpo sa mga kriminal ug mga binuhatan ug huna2. Ipadayon ang pakig bisog sa mga inosente nga nangandoy ug kalinaw sa atong yutang na tawhan na Bohol,” matud sa batan-ong gobernadora sa iyang facebook post.
Kini mitumaw human napatay sa kapolisan ang gidudahan nga usa sa mga suspek sa sunod-sunod nga tulis sa niaging semana nga nakapa-ukyab sa katawhan.
Si Police Lieutenant Wilson Sumoroy Orapa, police chief sa Alicia, Bohol, nagbutyag sa iyang report ngadto sa Camp Dagohoy nga si Victor Igpit Aguilar nakigsukli-ay sa mga buto sa armas sa usa ka “armed encounter” sa sitio Cantugop, barangay Napo, Alicia, Bohol.
Si Aguilar 41, ulitawo ug residente sa barangay Sagasa, Balilihan, Bohol mipusil og una batok sa composite team sa Alicia PNP personnel ug sakop sa Provincial Intelligence Unit (PIU) basi sa police report nga gipadala ngadto sa gobernadora gahapon (Hulyo 29, 2022).
Si Aguilar gipara sa check point nga gimontar sa police kay wala kini mag-helmet, apan, mipabuto siya, matud sa report.
Nasuta sa mga imbestigador nga si Aguilar misibo’ sa mga suspek sa mga tulis ug ang iyang motorsiklo nga iyang gigamit nahisibo’ usab sa nakuhang video sa CCTV.
Si Aguilar nag-atubang sa mga kaso gisang-at batok kaniya sa RTC branch 2, Tabilaran City.
Siya nakalapas sa Sec. 5 and 11, Art. II of R.A 9165, ug sa Republic Act 10591, “Comprehensive Firearms and Ammunition Regulation Act” ug kanhi priso sa BJMP-Bohol District Jail, Cabawan District, Tagbilaran City. Gibuhian siya niadtong April 1, 2022 human gipagawas ang hukom pinitsahan March 31, 2022 basi sa ‘Certificate of Discharge’ nga nakit-an sa iyang pitaka, matud sa police report.
Anaa karon sa usa ka Funeral Home ning lungsod ang iyang patayng lawas, samtang naghulat kini bisitahon sa iyang pamilya.
Ang mosunod mao ang mga butang nga nakuha sa suspeck: One (1) cal. 45 pistol (TAURUS) with empty magazine inserted; Seven (7) pcs. cal. 45 fired cartridge cases; One (1) pc. cal. 9mm fired cartridge case; Two (2) pcs. cotton swabs of blood of the victim; Two (2) pcs. buccal swabs from the victim; Three (3) sets postmortem fingerprints; One (1) pair paraffin cast from the victim; ug One (1) fired bullet.
Ang iyang ‘personal belogings’ naglakip ning mosunod: One (1) unit Kawasaki Bajaj CT 100, black, with engine no. PFYWLL19164, chassis no. MD2B37AYILWL60161, without plate number; One (1) black KAMARU tactical bag containing black leather wallet, with Certificate of Discharge, 2 pcs. 2×2 ID pictures, Manny Pacquiao Card, Brown Sunglass, Dry fit sweatshirt (RAIDER 150), one (1) pc. cable tie, One (1) Oppo Android Phone and cash worth P5,000.00 assorted Philippine Peso Bills, all placed inside the said bag; One (1) Samsung Keypad Cellular Phone, color black; One (1) Silver necklace with cross pendant; One (1) silver bracelet; One (1) shampoo sachet, color green; One (1) black Tribal ball cap; One (1) pair black Islander slipper; ug Assorted keys. (rvo)
