SI San Isidro, Bohol Councilor Gloria Gementiza, human sa tulo ka tuig nga pagpahuway, midaog pag-usab sa Philippine Councilors’ League (PCL) presidency, ug nakakuha sa iyang kaugalingon nga puwesto sa Provincial Board (PB) ug nakatampo sa tinguha sa Aumentado administration nga makaangkon og mayoriya nga puwesto sa legislative bodies.
Si Gementiza kinsa nakakuha og 295 ka botos midaog batok kang incumbent PCL president Konsehal Jescelo Adiong sa Loay kinsa nakakuha og 176 ka botos atol sa PCL elections nga gipahigayon sa Bohol Tropics Resort sa Tagbilaran City niadtong Martes, Hulyo 26, 2022.
Wala madugay human gianunsyo ang resulta sa poll sa kaadlawon niadtong Miyerkules, Hulyo 27, si Gementiza giproklamar ni Department of Interior and Local Government (DILG) provincial director Jerome Gonzales ug SP secretary Boni Quirog.
Ang mga boto sa 472 ka konsehal alang sa nagkalain-laing posisyon sa PCL giihap sa mano-mano.
Si Gementiza, kinsa mikonsiderar sa iyang kadaugan nga “overwhelming,” nipasalig nga siya mahimong consultative ug motubag sa mga kabalaka nga gipadangat sa mga konsehal sa miaging administrasyon.
Nagpasalamat siya sa iyang mga kaalyado sa politika nga sila Gob. Aris Aumentado, Bise Gobernador Victor Balite, Rep. Vanessa Aumentado sa Ikaduhang Distrito ug Rep. Alexie Tutor sa Third District sa pagsuporta sa iyang kandidatura.
Ang pagbalik ni Gementiza sa SP makapaus-os sa gidaghanon sa mga sakop sa oposisyon sa legislative body.
Sa laing bahin, ang running mate ni Gementiza nga si Tagbilaran City Councilor Nicanor Besas sa Tagbilaran City kinsa midagan nga walay kaatbang niangkon usab sa pagka-bise presidente sa PCL.
Si Besas, kinsa amahan ni Tutor, nakakuha og 391 ka boto.
Laing tulo ka mga konsehal nga midagan usab nga walay kontra nga sila si Tiburcio Bullecer, Jr. sa Loay, Darwin Tan sa Guindulman ug Pedro Literatus sa Loon maoy napiling vice president for external affairs, assistant auditor ug assistant business manager.
MGA KAALYADO SA SP
Mahimo nang 6 ang kaalyado ni Gov. Erico Aristotle Aumentado sa Sangguniang Panlalawigan nga gipangulohan ni Bise Gob. Dionisio Victor A. Balite,Ph.D.
Sa 1st district, naa si BM Lucille Lagunay samtang sa Segundo Distrito sila BM Atty Jami Aumentado-Villamor ug comebacking BM Atty. Tommy Abapo.
Duha usab sa Tersiero Distrito nga naglakip nila Senior Board Member Tita V. Baja ug BM Greg Jala.
Walay kaatbang si City Councilor Nicanor “Nic” Besas pagka Executive Vice President
Bag’o na ang Presidente sa Philippine Councilors League (PCL) Bohol Chapter.
Si Gementiza gipaluyohan ni Governor Aris Aumentado ug ang Team Abante Bohol samtang si Adiong gipaluyohan sa pundok Padayon Bol-anon sa napildeng gobernador nga si Art Yap ug bise-gobernador nga si Rene Relampagos.
VP for External si Loay councilor Tibbs Bullecer samtang VP for Internal si kanhi mayor ug karon konsehal sa Corella Vito Rapal.
Ang Vice Pres sa 1st district mao si Tubigon councilor Delia Lasco, Sagbayan Counilor Atty Richard Mier sa 2nd district ug Mabini comebacking councilor Victoriano Jotojot.
Si Maribojoc councilor Arnie Turco maoy napili isip Secretary General samtang Deputy SecGen si Valencia 1st termer councilor Rammel Cagulada,CPA.
Si Along Olandria sa Candijay maoy nidaug pagka Treasurer ug iyang Assistant Treasurer mao si Dauis councilor Rhea Marie Pon-Martinez.
Si Tubigon councilor Gail Jao maoy Auditor samtang Assistant Auditor si Guindulman kagawad Darwin Tan.
Mga PROs sila Maureen Jade Golosino-Yu , Jeff Torralba sa Duero, Wilou Tan(Loon) ug Nelson Bonajos (Clarin).
Si Khien Alphe Garsuta sa Albur maoy Business Manager ug iyang assistant Business Manager si Pedro Literatus Jr. sa Loon.
Mga Board of Directors sila Councilor Atty Jodel Cabahug (Baclayon), Violy Reyes (Ubay), Claudio Bonior (San Miguel), Al Coquilla (Antequera), Alex Paigan (Lila), Atoy Torralba (Tagbilaran City), Dodong Virtudes (Jagna) ug Councilor Atty Jansyl Tumanda (Loboc). (RTB ug Kahlil Lester O. Camba)
