GILUSAD na sa Dakbayan sa Tagbilaran ang PH CARES kon Pamayanang Handa-Community Adovocates for Resiliency, Empowerment and Services.
Lakip sa mga nag-organisa sa maong Manifesto of Support niini mao sila Jun Pasion ug kanhi CDA Administrator Benjie Oliva.
Ubay-ubay sa mga elected officials sa mga kalungsuran ang mga nanambung sa maong kalihokan nga naglakip nila Catigbian councilor Oliver Oliva, Calape ABC Pres. Madelone Rengel, Dagohoy ABC Pres Jemilo Puertos ug comebacking Loon councilor Dondon Relampagos.
Atol sa gipahigayong presscon, mapasalamaton sila sa suporta sa media ilabi na sa information dissemination ug ingon man sa pag-identify sa mga proyekto nga ihatag ngadto sa mga kalungsuran.
Dugang pa nila Pasion ug Oliva nga mosunod sila sa mga proseso ug uban pang mga rekisitos sa pag-download sa mga pondo.
Dunay medical assistance, educational subsidy ang ikatabang sa PH Cares kon diin sabotan pa ang mga guidelines niini sa mga umaabot pang mga tigum nga pagahimuon.
Suma pa ni Oliva, nga kaniadto nakapahiluna na sila sa pundo nga gigamit sa mga proyekto sa Loon, Catigbian, Calape ug uban pa. (Kahlil Lester O. Camba)
