ANG administrasyon ni Gob. Aris Aumentado naglaraw sa mga importanteng buluhaton sulod sa unang 00 ka adlaw, matud ni Povincial Legal officer Atty. Handel Lagunay atoll sa unang Biyernes nga press conference sa niaging semana.
Ang nag-una mao ang pagtukod sa usa ka task force alang sa pandemic ug Odette aron sa pagpatunhay sa kasanihan (public health), ug pagpalig-on sa ekonomiya nga apektado sa pandemya. Aron sa pagpatuman niini, Si Gob. Aumentado miluwat sa executive Order No. 01, ‘creating the Bohol Economic recovery task Froce.
Ika-duha mao ang pagsusi o ‘review’ sa mga kasamtangang mga kontrata nga naglambigit sa mga ospitals, pinaagi sa usa ka committee nga gimugna alang niini. Ang lalawigan adunay 10 ka mga ospitals, naglakip sa Jagna, Candijay, Pitogo, Talibon, Carmen, Inabanga, Clarin, Maribjoc, Caigbian ug Loon nga gimaneho.
Pagahimoon usab ang pagtak-op sa boho aron di na malutsan sa mga ‘Ivan” nga gibaniog nga nangolekta sa “tong” gikan sa mga quarry operators sa niaging administrasyon. Kini mapatuman ug ma-implementar pinaagi sa usa ka executive order no 2 nga nag-umol sa office of the Governance Accountability and Review (OGA).
Ang ika-4 mao ang paghimo sa ‘review’ sa mga kwalipikadong suppliers/contractors nga ghatagan sa award sa Bid and Awards Committee (BAC) sa niaging administrasyon aron matarong ang pagpadagan niini (BAC).
Tungod kay pandemic man gihapon, si Gob. Aumentado magduso ngadto sa Sangguniang Panlalawigan (SP) sa hangyo nga mapasar ang plano nga malibre o bayran sa gobiyerno ang RT-PCR test sa mga gidudahan na positibo sa COVID-19.
Dugang niini, si Gob. Aumentado naglaraw nga ipanghatag gilayon ang mga nahibili ug wa mahatag nga relief goods alang sa mga biktima sa Odette ug mandoan ang bhatan sa provincial social welfare and development sa paghimo sa ‘inventory’ sa mga relief goods nga naabotan nga wala mahatag.
Ug gimandoan usab sa gobernadora ang pipila ka buhatan sa paghimo og ‘review’ sa tanang klasi sa pahuwan (loans) nga gihimo sa niaging pamunoan. (rvo)
