TAGBILARAN CITY, Bohol, July 11 (PIA) – Sa mandu sa gobernador, buksan ang tanan nga mga talaan ug panalipdan ang mga ebidensya nga buot matan-aw sa bag-o lamang nga gitukod nga Office of Governance Accountability and Review (OGAR).
Agi og pagpagahum sa OGAR nga unang gipresentar nga linawas sa media atul sa Press Conference didto sa Capitolyo, Julyo 11, 2022, gipadayag ni Gobernador Erico Aristotle Aumentado nga ang bag-ong buhatan nga magtrabaho ubos sa buhatan sa Gobernador, pangulohan ni kanhi Cabinet Secretary Leoncio Evasco.
Ang OGAR gitukod aron tukion ang kamatuoran ug pasakaan sa posibleng mga kaso ang si bisan kinsa man ang mapamatud-an nga nakasupak sa Anti Graft and Corrupt Practices u gang Conde of Ethical Standards for Government Officials and Employees.
Kahinumduman nga may nanggawas nga mga taho ug pasangil sa media ug social media kabahin sa mga iregularidad ug kwestyonable nga mga transaksyones nga gihimo sa mga opisyal ug empleyado sa Kapitolyo.
Dala niini, gitukod ang OGAR aron magtumbok sa mga transaksyones nga giapilan sa Kapitolyo opisyal ug mga empleyado nga nagdagway’s nakasupak sa duha ka balaod nga nahisgutan sa unahan.
Ang tanang transaksyones nga tuki-on, kadtong nahitabo sa wala pa ang Hulyo 1, kanus-a opisyal na na milingkod sa katungdanan si Gob Aumentado.
Ug aron mapagamhan ang nahisgutang Buhatan ni Evasco, gitugotan kini nga makalili sa tanan nga records sa Kagamhanang probisnya sa bisan unsa nga format (soft copy o hard copy, email, memorandum, administrative orders, Executive Orders o opisyal nga mandu) gikan sa bisan hain man nga buhatan sa Kapitolyo.
Gitugotan usab sa gobernador ang OGAR pinaagi sa Executive Order No 2, nga magkuha og nga pinirmahan nga mga pahayag gikan sa mga saksi, mga natungdan, panalipdan aron dili mawagtang ang mga dokumento, edidensya nga na-apil sa mga transaksyones nga gituki.
Hinuon, wala pay timetable ug wala pay mga tawo nga natumbok nga maapil sa OGAR, gawas ni Evasco. (rahc/PIA-7/Bohol)
