NIHATAG og dako nga pag-ila ang bag-ong napili nga babayeng Bokal sa ikatulong distrito sa Bohol sa mga inahan gumikan sa ilang dakong responsibilidad sa matag pamilya.
Kini ang mensahe ni Garcia-hernandez outgoing Mayor Tita V. Baja atol sa tinuig nga kasaulugan sa ‘Buwan sa mga Inahan’ diiin miingon kini nga angayan ipatigbabaw ang importansiya sa inahan sama kaniya diin dako ang papel sa pamilya.
“Mas dako raba og impact sa community ang mga asawa, kay og moingon mo sa inyong bana kani maoy botari ha? Mopatuo raba gyud ang bana di ba?,” komediya sa bag-on bokal nga gikan sa tersero distrito.
Matud ni Baja nga dako usab og kontribusyon ang mga inahan sa pagtudlo sa mga saktong kinaiya ngadto sa kabataan.
Sigon pa niini nga mas modool pa ang mga anak sa ilang inahan ikomparar sa mga amahan ug ang inahan usab unang titser sa kabataan.
“Kahibawo man gyud ta unsa ang impact sa inahan sa community ilabina sa pamilya”, ni Baja pa. (RTB)
