GILAOMANG mahunong na ang power shortage dinhi sa Bohol human nakig-tigum na si Governor-elect Aris Aumentado nila NGCP President & ug CEO Anthony L. Almeda lakip na ni Cynthia D. Perez-Alabanza (Head, Corporate Communications & Public Affairs Department).
Ilang gituki ang ang mga kalamboan sa Cebu-Bohol Power Interconnectivity. Dunay mga hagit nga giatubang apan naningkamot ang maong kompanya nga mahuman sa tukmang panahon ang proyekto.
Ang umaabot administrasyon moumol sa usa ka Task Force arun moabag nga mas mopaspas ang implementasyon sa maong proyekto.
Kini suma pa ni Gov.-elect Aumentado.
Laing tigum usab ang gipahigayon kon diin gitambongan nila Atty. Handel Lagunay, GM Dino Nicholas Roxas sa BOHECO 1, GM Eugene Tan sa BOHECO 2, Bohol Light GM Paul Almedilla ug Noynoy Gonzaga sa PLDT
Nahisgutan mao ang kasamtangang power situation sa Bohol ug ang ONE BOHOL POWER. Tumong niini mao nga dunay land-based power supply nga nahuman na ang bidding pipila ka buwan ang nilabay.
Dako kini nga matabang sa problema sa power shortage sa lalawigan gumikan sa on-going construction sa Cebu-Bohol Submarine Cable ug sa pag-implementar sa EDC sa maong land-based power.
Suma pa sa tinubdan, ang EDC ang winning bidder sa maong proyekto. (Kahlil Lester O. Camba)
