SUGOD karong Oktubre 27, 2026, gikatakdang paluparon sa Philippine Airlines (PAL) ang mas dako nga Airbus A330-300 alang sa ilang biyahe gikan Manila paingon sa Bohol-Panglao International Airport.
Ang maong abyon molupad upat ka higayon matag semana aron masugatan ang nagkadaghang gidaghanon sa mga pasahero.
Isip usa ka widebody nga abyon, ang A330-300 makapasakay og 309 ka tawo — 18 sa Business Class, 24 sa Premium Economy, ug 267 sa Economy Class.
Pinaagi niining mas lapad nga abyon, mas daghang turista ug mga pamilya ang makasinati og hamugaway nga paglupad padulong sa mga sikat nga destinasyon sa probinsya sama sa Chocolate Hills ug mga puting baybayon sa Panglao.
Daan nang gipahibalo ni Bohol Governor Erico Aris Aumentado ang maong kalamboan atol sa iyang ika-upat nga State of the Province Address.
Gikahinam usab kini sa mga nagplano og bakasyon ug panag-uban sa pamilya, ingon man sa mga mahilig sa abyasyon.
Nakatakda na sa mga opisyal nga sistema sa pagpalit og tiket nga A330-300 ang masakyan sa mga sayong nag-book alang sa biyahe sugod sa maong petsa. (RTB)
