GIKATAKDANG himuong infirmary hospital ang Bohol Provincial Diagnostic and Ambulatory Care Center (BPDAC) aron makatabang sa pagpakunhod sa paghuot sa Governor Celestino Gallares Memorial Medical Center sa Tagbilaran City.
Gipadayag kini ni Gobernador Erico Aristotle “Aris” Aumentado atol sa iyang State Of The Province Address (SOPA).
Ang pagbag-o sa BPDAC ngadto sa infirmary usa sa mga lakang aron mas mapalapad ang pag-access sa mga Bol-anon sa saktong serbisyong panglawas ug mahupay ang grabeng kahuot sa Gallares Hospital.
Gipaabot usab ang pagdugang sa bed capacity sa governor celestino gallares multi-specialty medical center nga nahimutang sa lungsod sa cortes, aron mas daghang pasyente ang makadawat sa serbisyong medikal.
Pinaagi niining mga lakang, gilauman nga mas mapalambo ang kinatibuk-ang kapasidad sa mga pasilidad panglawas sa tibuok probinsya aron matubag ang nagkadako nga panginahanglan sa mga Bol-anon. (RTB)
