GIDAWAT sa Bohol kaniadtong Huwebes, Setyembre 17, ang unang charter flight direkta gikan sa Indonesia, nga nagdala og 56 ka pasahero ngadto sa Bohol-Panglao International Airport (BPIA). Ang maong pag-abot nagbukas sa bag-ong panahig sa mas suod nga koneksyon ug pagdako sa turismo tali sa duha ka nasud.
Ang eroplano gikan sa Denpasar, Indonesia, miabot sa BPIA bandang alas 12:26 sa udto. Human sa mubo nga pagpuyo, milarga kini pag-usab paingon sa Jakarta bandang alas 2:03 sa hapon.
Gikumpirma ang maong kalihokan ni CAAP Manager Angelo Ibanez ug ni Aviation Police Deputy Chief PLt. Melinda Basalo.
Gilauman nga ang bag-ong charter route makapalig-on sa koneksyon sa paglupad, makadugang sa pag-abot sa mga bisita, ug makapalambo sa mga kalihokan nga may kalabotan sa turismo tali sa Bohol ug Indonesia.
Kini giisip nga dakong lakang sa pag-abli sa mas daghang oportunidad sa pagbiyahe ug panag-uban sa negosyo sa tibuok rehiyon. (RTB)
