OPISYAL nang gideklarar ni Gobernador Aris Aumentado ang kahimtang sa Dengue Outbreak sa tibuok probinsya sa Bohol pinaagi sa Executive Order No. 40.
Gihimo kini human natala ang 1,883 ka kaso ug 21 ka namatay tungod sa dengue gikan Enero 4 hangtod Agosto 22, 2026 — nga nilapas na sa gitakdang sukdanan sa epidemya sulod sa tulo ka sunod-sunod nga semana.
Pinaagi sa maong mando, gipatuman na ang dinaliang mga lakang sa tanang Kagamhanang Lokal:
Gipahigayon ang enhanced 4S Strategy batok sa dengue;
Gipatuman ang kampanyang “Search and Destroy” sa puy-anan sa lamok pinaagi sa oras-katorse o alas-kwatro sa hapon nga kalimpyo;
Gipatuman usab ang 1-3-7 Intensified Vector Control Strategy sa mga lugar nga kumpirmadong adunay kaso.
Gitugotan usab ang tanang ospital ug sentro sa panglawas nga magbutang og Dengue Fast Lane alang sa mas paspas nga pagtambal. Gigahinan usab og pondo ang pagpalit sa mga kinahanglang tambal ug kagamitan, samtang gipalig-on pag-usab ang Bohol Provincial Anti-Dengue Task Force aron masumpo ang dugang pagkaylap sa sakit ug makalikay sa dugang pang kamatayon. (RTB)
