GIPAHIGAYON usab dinhi ang rehiyonalong culmination sa World Day Against Trafficking 2026, aron mapalig-on ang proteksyon sa mga huyang nga sektor. Gipangunahan kini sa Provincial Social Welfare and Development Office kauban ang PCAT-VAWC ug IACAT-VAWC Rehiyon 7.
Sa mensahe ni Governor Aumentado nga gipasabot ni Vice Governor Nick Besas: “Karon, atong ipamatuod nga walay Pilipino, ug ilabi na walay bata, ang angay mahimong biktima sa human trafficking.”
Gipangulohan usab ni Besas ang “Panumpa sa Katungdanan” aron pasalig sa mas hugot nga pakigbatok sa maong krimen. Adunay usab gihimo nga hisgutan bahin sa digital trafficking nga gipangunahan ni Prosecutor Maria Luisa Ong.
Sa pagtapos sa seremonya, ang tibuok probinsya ug ang tanang 42 ka lungsod sa Bohol dungan nga nakadawat sa High-Functioning LCAT-VAWC Award tungod sa maayo kaayong pagpatuman sa mga lakang batok sa trafficking ug pagpanalipod sa mga kababayen-an ug mga bata. Ang kalihokan nahiuyon sa temang “Isang Aksyon, Isang Nasyon: Tapusin ang Human Trafficking Ngayon.”
Ang duha ka kalihokan nahiuyon sa Strategic Governance Roadmap sa Probinsya isip unang UNESCO Global Geopark sa nasud nga nagatutok sa kalinaw, kaluwasan, ug kaayohan sa katawhan. (RTB)
