GILUNSAD sa Municipal Health Office (MHO) sa Valencia ang Adolescent Friendly Health Facility (AFHF) aron mas mapalig-on ang paghatag og dekalidad, luwas, ug kompidensyal nga serbisyo sa panglawas alang sa mga kabatan-onan.
Ang AFHF nagtumong sa paghimo og usa ka safe space diin ang mga batan-on makadawat og friendly staff assistance, confidential services, ug quality care, isip kabahin sa pag-atiman sa ilang pisikal, mental, ug emosyonal nga kahimsog.
Sumala sa programa, nagsugod ang kalihokan sa alas 9:30 sa buntag pinaagi sa registration, invocation, hymns, ug acknowledgment of visitors.
Ang Welcome Address gipahinungdan ni Maria Rosario N. Nambatac, RN, Adolescent Health Development Program Focal Person, samtang ang Inspirational Message gihatag ni Mayor Dionisio Neil A. Balite, J.D., Ph.D.
Ang Statement of Purpose/Overview gipresentar ni Leonidas L. Saniel, Provincial Adolescent Health Development Program Coordinator, gisundan sa Ribbon Cutting, group photo, ug Closing Remarks ni Nicoleson Gallemaso, SK Federated president.
Ang maong programa gipangunahan ni Magsaysay SK chairperson Cristine Joana Roma, isip emcee.
Uban sa mitambong sa programa sila si Municipal Health Officer Dr. Roseanne Erika Loquellano, mga SK chairpersons sa kabarangayan sa Valencia, ug mga student-nurses sa BIT International College.
Sa iyang mensahe, gipasiugda ni Mayor Dionisio Neil A. Balite, J.D., Ph.D. ang kamahinungdanon sa paghatag og angay nga pag-atiman ug giya sa kabatan-onan aron motubo silang himsog, responsable, ug andam sa pag-atubang sa kaugmaon.
“Ang kabatan-onan mao ang paglaum sa atong lungsod. Pinaagi sa Adolescent Friendly Health Facility, masiguro nato nga adunay luwas nga lugar diin sila makapangayo og tambag ug serbisyo sa panglawas nga walay kahadlok ug walay diskriminasyon. Magpadayon kita sa pagpalig-on sa mga programa nga nag-amuma sa ilang kahimsog ug kaugmaon alang sa mas lig-on ug mas maayong Valencia.”
