SUPORTADO nila Bohol 3rd district Congw. Alexie Tutor ug 2nd district Cong. ug karon Governor-elect Aris Aumentado si Leyte 1st district Cong. Ferdinand Martin Romualdez isip mosunod nga speaker sa Ubos Balay Balauranan.
Si Romualdez ang kasamtangang Majority Leader sa liderato ni outgoing Speaker ug Marinduque Rep. Lord Allan Velasco.
Mag-agaw tagsa usab si Romualdez ug si President-elect Ferdinand Marcos Jr.
Puros nisuporta sa UniTeam tandem nila Marcos Jr.-Sara Duterte sila Aumentado ug Tutor.
Reelectionist si Tutor alang sa iyang ikaduhang termino samtang ang kapikas ni Governor-elect Aris nga si 2nd district Congresswoman-elect Maria Vanessa maoy mopuli kaniya sa iyang distrito.
Perfect attendance usab ang mga magbabalaud sa Bohol atol sa katapusang session sa Ubos Balay Balauranan nga naglakip nila Cong. Edgar Chatto, Cong. Aris Aumentado ug Congw. Tutor.
“It is an honor to be part of the 18th Congress. I have learned a lot & it helped me grow as a public servant. I am looking forward to the opening of the 19th Congress as i push through with more developments & improvements in the 3rd district of Bohol”, suma pa ni Congw. Tutor.
“We are One Congress. Despite of the challenges, we are able to deliver our commitment to pass legislations that were responsive to the needs of the Filipinos”, pamahayag pa ni outgoing Speaker Lord Alan Velasco.
Kahinumduman nga si Governor-elect Aris maoy nipilde sa incumbent nga si Atty. Art Yap sa niageng piniliay kon diin nidaug siya sa 3 ka distrito sa Bohol. (Kahlil Lester O. Camba)
