MAS gipalig-on pa sa mga magbabalaud sa Bohol ang Medical Scholarship Ordinance human ang Joint Committee Meeting on Education , Health ug Appropriations.
Kini suma pa sa social media page ni Board Member DJ Balite kon diin gituki ang “Proposed Provincial Ordinance No. 06-2026, entitled, “Amending Section 7, 8, 10 and 12 of Provincial Ordinance No. 2022-02, otherwise known as the Bohol Medical Scholarship Ordinance, to Establish Two (2) Scholarship Packages, Provide Year-Level Limitations, Strengthen Repayment Provisions, Expand Service Obligations, Reconstitute the Scholarship Committee, and for other purposes”.
“Importanti kini nga ordinansa alang sa gusto or ganahan mo skwela ug medicine diri sa atong Probinsya. Ang maong ordinansa nagasulti nga dunay ihatag nga allowance ug uban pang benepisyo isip tabang gikan sa kagamhanang Probinsyal,” pamahayag pa ni Board Member Balite.
“Ako nalipay sa maong ordinansa para maka produce pata ug mga Doctors nga Bol-anon labi na kadtong mga nangandoy nga dunay specialty isip Doctor”, dugang pa niya.
Sa laing bahin, giduso ni BM Balite alang sa First Reading ang “ An Ordinance Institutionalizing Compliance Verification For Vehicle Rentals and Leases Involving Foreign Nationals Pursuant to RA 4136 and RA 7160”.
“Importanti kini nga ordinansa nga atong gihimo para dunay katin-awan sa balaod ug aron ma strengthen ang RA 4136 ug RA 7160 nga balaod alang sa mga langyaw nga magplano nga mag maneho diri sa atong probinsya.” (Kahlil Lester O. Camba)
