MOBISITA sa Bohol si PBGen. Arnold Abad, ang Acting Regional Director sa Police Regional Office 7 (PRO7), alang sa iyang command visit ugma Lunes, Abril 27, 2026. Gikumpirma kini ni PCol. Patricio Degay Jr., Provincial Director sa Bohol Provincial Police Office.
Sa iyang pagbisita, gipaabot nga makigtagbo si PBGen. Abad kang Governor Aris Aumentado ug uban pang lokal nga opisyal aron palig-onon ang koordinasyon tali sa kapulisan ug Local Government Units (LGUs).
Mohimo usab si PBGen. Abad og command inspection sa Camp Francisco Dagohoy sa dakbayan sa Tagbilaran ug magpahigayon sa iyang unang “Talk to the Men” sa mga kapulisan sa probinsya.
Si Abad ang nipuli kang PBGen. Redrico Maranan, kinsa nahimo na karong Acting Director sa Philippine National Police Academy (PNPA). (RTB)
