TODAY marks exactly 1 year and 17 days since PRRD was arrested and surrendered to the custody of the International Criminal Court (ICC) on March 12, 2025. Since then, PRRD is in detention in The Hague, awaiting formal trial regarding allegations of crimes against humanity related to his war on drugs.
Delikado gyod diay ning makig-gubat ka og droga.
Dili ilhon ma-presidente ka o bisan ordinaryong tawo, either tumbahon ka o presohon bisan way klaro.
Kahinumdom pa ko sa panahon nga naglingkod pa ko sa Cuentas Claras radio program kaniadto sa DYTR unya gabola-bola lang akong baba sa mga birada ug tirada nga wala ug tuo, especially mga pangurakot ug mga badlongon ug siaw.
Gisultian kos usa ka kanhi mayor sa Tagbilaran, nindot nang imong programa kay makalingaw pero mao ni hinumdomi – bahalag mo-pika ka diha og pangurakot mata’g adlaw ayaw lang iapil nang parte sa druga. Delikado kaayo nang bahin na sa druga.
Hangtod karon, nagpabilin lang gihapon sa akong utok ang maong pahimangno, especially karon nga gihanduraw nato ang ika-81st nga birthday ni PRRD.
Na-preso siya didto sa The Hague tungod sa iyang kampanya sa druga.
* * *
Daghan kaayong mga pangutana ang maong pag-kidnap kang PRRD ngadto sa The Hague.
Matod pa, dihay “secret warrant” kuno nga gipagawas ang ICC batok kang PRRD. Unsay gihimo ni BBM?
Gipadakop dayon ni BBM si PRRD pag-abot niini sa Manila gikan sa Hongkong ug deretso gipasakay sa usa ka chartered jet nga gahulat nang daan sa runway ug lahos-lahos na nga gisikwate padung sa The Hague.
Unang pangutana – kinsay nagbayad sa maong chartered jet – ang Office of the President, matod pa ni SILG Jonvic Remulla. Buot ipasabot, dili makalimod nga apil sa maong salaod si BBM. Pasabot, si BBM mismo ang nagpa-kidnap ni PRRD ug wala na lang gani tahora nga usa ka kanhi presidente sa Pilipinas si PRRD ug mao ray bugtong presidente sa nasod nga nagpahimutang sa iyang namatay nga amahan nga ilubong sa Libingan ng mga Bayani.
Nganong salaod man ang gihimo ni BB – tungod kay base sa balaod sa Pilipinas, adunay katungod sa due process si PRRD. Aduna bay due process ang pag-kidnap ni PRRD ngadto sa The Hague?
Wala gyod kay deretso ra man siya gidakop ubos sa usa ka warrant kunohay nga gikan sa ICC ug dili gikan sa korte sa Pilipinas. Gawas pa niini, wala lang gani si PRRD tagae sa katungod nga modangop sa korte sa Pilipinas, nga sama sa gamhanan gyod kaayo ang maong warrant sa ICC nga kinahanglan nga tumanon dayon kini ug wala nay katungod si PRRD sa pag-question niini.
Unya pa god, paka-paka pa ilang limod primero nga wala silay kalabotan sa maong pag-kidnap pero napugos na lang og angkon sa ilang drama sa dihang nang-gawas na ang ilang mga sikreto.
Laing pangutana – kay gituman man ni BBM ang maong warrant batok kang PRRD, nagpasabot ba kini nga mas gamhanan pa ang ICC kay sa Pilipinas?
Matod pa sa atong Philippine Constitution, the Philippines is a sovereign state and all government authority emanates from the people. Kon sovereign gani, pasabot mao na ang pinaka-labaw, pinaka-taas ug pinaka-gamhanan nga katungod sulod sa usa ka nasod nga magmando sa mga tawo ug maghimo og balaod.
Bisan kon nakalatid na kana sa Philippine Constitution, nganong wala man ipatigbabaw ni BBM ang atong sovereignty ug dali ra man kaayo siya nga miluhod sa ICC?
* * *
Sa pagka-karon, daghan ang nagtuo nga hanap pas alkitran nga maka-gawas pa si PRRD gikan sa presohan sa ICC ug maka-balik sa Pilipinas.
Ngano man kuno – kay bugtong ang ICC lang ang maka-order nga buhian si PRRD. Bisan pa og mopagawas og desisyon ang Korte Suprema pabor sa Habeas Corpus petition nga gi-file sa iyang mga anak, dili lang gihapon kini mapahimuslan kay dili man enforceable ang maong desisyon sa gawas sa Pilipinas, labi na gyod batok sa ICC.
* * *
Bisan pa niini, ipadayon lang gihapon nato ang atong pag-ampo nga unta maka-gawas na si PRRD sa presohan og maka-balik na sa iyang pamilya.
Happy Birthday Tatay Digong, we love you!!!!
