NISUTOY na sa NBA Finals ang Golden State Warriors hOman ilang gipilde ang Dallas Mavericks,120-110.
Nanguna sa atake si Klay Thompson nga dunay 32 puntos arun moabante sa serye 4-1.
Ilang ikaatbang ang Boston Celtics o Miami Heat.
3-3 na karon ang Boston sa ilang serye batok Miami.
Nahimong mga kampeon ang Warriors sa 2015, 2017 ug 2018 Finals homan gipilde ang Lebron-led Cleveland Cavaliers.
Sa 2016, napilde hinuon sila sa Cavs ug 2019 batok Toronto Raptors.
“This is a blessing for us to get back here, to get back where we belong,” matud pa kang Golden State guard Stephen Curry, nga gikoronahang Western Conference playoff Most Valuable Player.
Double-double si Andrew Wiggins sa iyang 18 puntos ug 10 ka rebounds samtang 17 puntos ug 9 assists si Draymond Green. 16 puntos off the bench si Jordan Poole samtang 15 puntos ug 9 assists si Curry.
Si Kevin Looney naka double-double usab sa iyang 10 puntos ug 18 rebounds.
“It’s special to do it in our new building,” pamahayag pa ni Curry.
“This isn’t the ultimate goal but we’ve got to celebrate this for all we went through the past three years.”
“This one is special because this is a group no one thought would ever be back here,” suma pa ni Green.
“This group put the work in every day and we’re here. We’re back.”
Mao kini ang ikaunom sagunsong NBA Finals appearance ni Thompson nga wala nakaduwa sa tibuok 2019-20 season gumikan sa left knee surgery ug 2020-21 season gumikan usab sa torn Achilles tendon injury.
“I’m so happy to be back,” matud pa kang Thompson.
“I’m thankful for this team. I can’t believe we’re back. We’ve still got four more to go.”
Sa laing bahin, ang Dallas Mavericks wala nakaabot sa NBA Finals sukad nidaug sa kampeonato niadtong 2011.
Si Slovenian guard Luka Doncic ang nanguna sa Mavs nga dunay 28 puntos, 9 rebounds, 6 assists samtang off the bench naka 26 puntos si Spencer Dinwiddie.
“We didn’t play our best game but we accomplished a lot,” pamahayag pa ni Mavericks coach Jason Kidd.
“We’ve laid a foundation. Now we can start building.” (Kahlil Lester O. Camba)
