GI-ABI-ABI ni Governor Aris Aumentado ang delegasyon sa China’s Caissa Tourism Group sa ilang courtesy visit sa Kapitolyo, ug gihisgutan ang posibilidad sa kolaboratibong investment ug plano sa pagdani sa Chinese tourists sa Bohol.
Ang mga bisita nga naglakip nila Ma Zhou Fei, Tang Cheong Long, Zhang Jia Cheng, Zhen Dan, ug Zeng Xu, kauban si Chen Haiwei ug Wang Jing sa Asia Landmark Tours and Travel, nagpaila sa ilang mga proyekto alang sa turismo sa probinsya.
Gipahibalo ni Gov. Aumentado nga plano sa Bohol ang visa-free entry alang sa Chinese travelers sa dihang adunay direct flights, ug gisgutan usab ang ilang hilig sa golf, cruise ship, ug sports fishing.
Ang probinsya adunay international cruise ship port sa Loon ug sa Tagbilaran City, samtang ang Bohol Anglers Club andam motabang sa sports fishing para sa mga turista. (RTB)
VISA – FREE ENTRY
Gipaniguro ni Gobernador Aris Aumentado ngadto sa mga bisitang Intsik niadtong Marso 12, ang direksyon sa Kagamhanang Probinsyal pagpadangat og visa – free entry ngadto sa mga turistang Intsik kung aduna na’y direct flights gikan sa nasod sa China paingun sa Bohol- Panglao International Airport (BPIA).
Oportunidad unya kini nga mas daghang Tsino nga magka-interest sa Bohol isip usa sa ilang napili nga tourist destination.
Ang mga bisita sa Gobernador nga sila si Ma Zhou Fei, Tang Cheong Long, Zhang Jia Cheng, Zhen Dan, ug Zeng Xu, sakop sa Caissa Tourism Group.
Ang Caissa Tourism Group usa ka kompanya sa China nga nagtutok sa serbisyong pangturismo, ug pagpasayon sa mga kliyente sa ilang mga byahe.
Kuyog sa maong pagbisita, sila si Chen Haiwei ug Wang Jing gikan sa Asia Landmark Tours and Travel.
Gipresentar sa mga Intsik ang ilang tinguha alang sa kolaborasyon pagpadangat og kalidad nga serbisyong pangturismo alang sa mga kliyente gikan sa nasod sa China.
Sa kukabildo nasayran sa Gobernador nga ang mga Chinese tourists mahilig sa golf, sa cruise ship, ug sa sports fishing.
Matud ni Aumentado nga andam ang Kagamhanang Probinsyal pagtubag kung unsa ang haom nga mga serbisyo nga angay ikapadangat kanila.
Matud sa Gobernador nga ang Bohol adunay cruise ship port sa Catagbacan Loon ug daghan na ang midunggo niini. Ang Tagbilaran Port, mahimo usab nga kadungguan og cruise ship.
Sa laing bahin, ang Bohol adunay Bohol Anglers Club nga mahimong maka-assist sa mga Chinese tourist nga mahilig sa sports fishing.
Isip usa ka UNESCO designated Global Geopark, aktibo ang Kagamhanang Probinsyal sa liderato ni Gobernador Aumentado pag-promote sa talagsaong mga talan-awon sa lalawigan sa Bohol. (RTB)
