MIABOT na sa sa ilang panimalay ang patay’ng lawas ni Katrina Sajulga, ang Overseas Filipino Worker kon OFW nga taga Purok 6, Barangay Abachanan, Sierra Bullones, nga namatay gumikan sa sakit didto sa Riyadh, Saudi Arabia.
Gikonpirmar ni Rogel Gultian, Public Employment and Services Office (PESO Manager sa lungsod sa Sierra Bullones, nga miabot na niadtong Pebrero 27 ang lawas ni Katrina gikan sa Riyadh.
Kini base usab ang impormasyon nga nakuha ning pamantalaan gikan sa agency sanamatay nga Silver Skilled Recruitment Inc.
Nasayran nga gikan og Manila, gibiyahe paingon dinhi sa Bohol ang namatay’ng OFW ug nahidangat diha sa Bohol Panglao International Airport sa alas 9:50 sa gabi isa maong adlaw.
Walay balita ang tagtungod kon kanus-a kini ipahimutang sa iyang pahulayang dayon. (RTB)
