GA-AWAS awas gyod tingali ang iyang pagtuo nga sayon ra kaayo para niya ang pagdaog pagka-bokal sa 1st district mao nga hilabihan kaayo siya ka hambogero sa iyang tinubagan sa dihang gipangutana siya kon mag-session ba sila sa Mayo 17 o pipila ka adlaw human sa piniliay sa Mayo 9.
Matod pa, mitubag kuno ang bokal nga angay gyod mag-session aron makita og kinsay mihilak kay napilde.
Di ko makasulti kon mao ba gyod ni ang husto nga gipamulong sa bokal pero mao ni ang gisulti sa kauban niyang bokal nga nakadungog sa tubag sa dihang dihay nangutana kon mag-session ba.
Atong suwayan og hubad ang maong tubag sa bokal.
* * *
Outright, I can say he was tactless.
If he was really sure of winning, the best recourse would be to zip his mouth and let the others do the talking.
Or, he could go the safe way – by quoting the provision of the Local Government Code in relation to the Omnibus Election Code.
Or, he could just suggest for the holding of the session, period.
There was absolutely no need for him to add the toxic words – aron makita kinsa ang mihilak kay napilde.
* * *
Of course, he could just be joking.
And he was also probably referring to himself too, not just to the other members of the provincial board.
But the way he said it, matod pa sa akong source, he was dead serious and there was no hint of smile or joke on his face.
Naninuod gyod to siya pagsulti niya sa iyang tubag.
* * *
To be candid, I would not be surprised if he really meant what he said – to hold session on May 17 because he was sure of winning a reelection, and he wanted to see the faces of other board members who lost in the election.
Kinsa man pod magtuo nga mayabo sila sa piniliay sa Mayo 9.
If you care to examine, the 1st district can be considered as baluarte o teritoryo sa ilang grupo, meaning, the group of Cong. Edgar Chatto, Art Yap and VGov Rene Relampagos.
In the same way nga baluarte o teritoryo pod ni Governor Aris Aumentado ang 2nd district ug ni Cong. Alexie Tutor ang 3rd district.
Kon duna man gani mapunit ang ilang mga kontra sa 1st district, mga momho na lang kay nagsalig si bokal nga solid gyod ang ilang kusog sa maong distrito.
Pero naunsang pagka-unsaa nga gilubong man hinuon si bokal, apil sa pagka-lubong ni Art Yap ug ni Rene Relampagos.
Hilabihang pildiha man niya.
* * *
Kinsa man ning maong bokal?
Matod pa sa akong source, si bokal Ricky Masamayor kuno.
Tinuod ba ni BM Ricky?
* * *
Kon tinuod man gani nga misulti ka BM Ricky, suskong grabeha ra pod kaayo ka ka-hambogero.
Nagtuo gyod seguro ka nga segurado kang modaog mao nga isog kaayo ka mosulti nga tan-awon nato og kinsay mihilak kay napilde.
Karon kay napilde man ka, lami ra imong paminaw nga mipakita sa imong nawong sa imong mga kauban, labi na tong nakadaog, sa inyong session sa Mayo 17?
Mihilak ba ka BM Ricky kay napilde ka?
Nagpakita ba ka nila nga mihilak ka panahon sa inyong session sa Mayo 17?
Nadawat na ba nimo ang imong kapildihan?
* * *
Kay naigo man ka sa imong gipanulti, maayo tingali nga makat-on na pod kas imong leksiyon.
Di ta magpataka og yawit BM Ricky kay basin maunay ra pod tas atong tari.
Tiaw mo na ron, na-karma man hinuon ka.
Buyno, tulo ra man pod na ka tuig, mahimo pa man pod nga molansad ka og balik sa 2025 pohon.
Basin modaog na gyod ka anang panahona BM Ricky.
* * *
Matod pa ni Art Yap, moundang na kuno siya sa lokal nga pamolitika.
Misulti siya niini human siya midawat sa iyang kaparotan nga hilabihan.
Husto pod siya.
Klaro man gyod kaayo nga giluwa o gi-reject na siya sa mga Bol-anon kay gilubong gyod siya sa balota, bisan pa sa tanan niyang mga paningkamot og mga kagastohan.
Way nahimo ang iyang “buhat ang pasultion,” apil na ang pasalamat kunohay sa mga Bol-anon kaniya ug ni Rene Relampagos tungod sa mga kalamboan nga ilang gihatag sa Bohol.
Gani, matod pa, gikopras lang ang ilang mga inangayan. Buot ipasabot, gidawat ang ilang inangayan pero wa sila botohi. Didto moboto ang mga katawhan ni Aris Aumentado ug gilubong silang duha ni Rene.
Kon dili na mag-apil-apil si Art Yap sa pamolitika sa Bohol, asa na man diay siya mag-apil apil?
Kon molansad siya og balik pagka-gobernador sa sunod piniliay, nagtuo ko nga ilubong siya og samot. Napildi man gani siya nga siya ang gobernador panahon sa piniliay, unsa na kaha kon molansad siya nga wala sa pwesto?
O, pwede sab nga molansad na lang siya og balik pagka-kongresista.
Pwede kaha nga molansad siya og balik sa 3rd district?
* * *
Aw, posible pod.
Pero, sa akong pagtuo, ilubong gihapon siya kon sila ni Cong. Alexie Tutor ang magkontra.
Ngano man?
Klaro na man kaayo ang control ni Cong. Tutor sa 3rd district. Sa miaging piniliay, napakita og usab ni Cong. Tutor ang iyang kusog sa distrito. Kon mosulay si Art Yap og dagan batok ni Tutor, hugot ang akong pagtuo nga ilubong gihapon si Art Yap.
Layo ra kaayo ang kalamboan sa 3rd district sa panahon ni Tutor ug sa panahon ni Yap.
Daghan kaayo og nahimo si Tutor sa distrito kon ikomparar ni Yap.
Pananglit dili pod sa 3rd district si Yap mag-apil apil, asa na man diay siya?
Aw, siyempre, siya lang ang nasayod.
Moduol tingali siya og balik ni GMA aron tabangan. Di na lang nato usikan ang atong panahon sa paghisgot sa iyang kaugmaon.
* * *
Unsa man gyod ang nahitabo sa People’s Mansion nga off-limits man kini og pipila ka mga bulan human sa Odette?
Kon gusto ka mosulod, babagan ka sa gwardiya kay maoy order ni Art Yap. Di kuno pasudlan.
Under renovation kuno.
Pero sa dihang gisulod na kini human sa piniliay ug human sa pagdawat ni Yap sa iyang kaparotan, wa may renovation nga gihimo sa People’s Mansion.
Unsay misteryo nga naglimin sa panahon nga off-limits ang People’s Mansion, labi na kadtong panahon nga kamulo na ang kampanya sa piniliay?
Diha ra bay mga duwende nga nag-ingon nga gihimo kuno ang People’s Mansion og operations center sa mga IT experts, kalabot sa piniliay.
Tinuod kaha ni?
Maayo nga iapil pod ni og imbestigar kay katingad-an kaayo kini.
