GIPADAYAG ni Tagbilaran City Administrator Alvin Acuzar ang dakong kadasig sa dakbayan alang sa umaabot nga Sinulog 2026, dungan sa pagpahibawo nga sa unang higayon, usa ka hiniusang pundok sa mga instrumentalista ang mokuyog sa delegasyon sa Tagbilaran.
Gikonpirmar ni Acuzar nga ang maong grupo pagatawgon og Bohol United Symphonic Band, nga gilangkuban sa mga batid nga musikero gikan sa nagkadaiyang banda sa probinsya.
Ang maong hiniusang delegasyon naglakip sa mga miyembro gikan sa Pentagon Drum and Bugle Corps, Quieta Base Classic, Kin Covenant, Unlisted, Pro Hope, Community, D’AXIS, TRESNEO, Kantata Angelika, ug ang Valencia Symphonic Band.
Tungod sa kadako ug kahanas sa maong pundok, gilauman nga mahimong mabulokon ug dungganon ang performance sa Tagbilaran City didto sa dakbayan sa Sugbo. (RTB)
