OPISYAL na nga gideklarar sa PAGASA ang pagsugod sa tig-uwan sa Pilipinas sa nakalabay nga Miyerkules, Mayo 18, 2022.
Sa abiso, ang state weather bureau niingon nga ang kasamtangang weather system nga ania sa nasud nakasulod na sa mga criteria sa pagsugod sa ting-uwan.
“The presence of a frontal system and the occurrence of severe thunderstorms have brought widespread rains during the last five days in areas under Type I climate and other parts of the country. Moreover, southwesterly wind flow was also observed during the past few days. This satisfies the criteria of the start of the rainy season over the western sections of Luzon and Visayas,” asoy sa PAGASA.
Dugang pa nga ang panagsa nga pag-uwan, inubanan sa Southwest Monsoon, magsugod nga makaapekto sa Metro Manila ug sa kasadpang bahin sa nasud karong semanaha.
Mahimo usab nga makasinati ka og mga pagbunok sa uwan nga molungtad og pipila ka adlaw o semana. (RTB)
