MISAKA ang kaso sa dengue sa Central Visayas sa 287 porsento, 31 ang namatay diin sa syudad sa Tagbilaran dunay 74 ka kaso.
Moabot ngadto sa 3,177 ka kaso sa dengue ang natala sa Regional Epidemiology and Surveillance Unit (RESU) sa Department of Health Central Visayas tibuok rehiyon 7 gikan sa Enero 1 karong tuiga hangtod Mayo 7.
Kini 287% nga mas taas ikompara sa susamang lanat sa panahon sa milabayng tuig nga dunay 820 ka kaso ug upat ang namatay sumala sa RESU.
Ang dakbayan sa Sugbo maoy pinakadaghan og kaso base sa datus nga gipagawas sa RESU diin 708 (22.3%) ang tibuok dengue cases ang natala ug 11 niini ang namatay. Kini
Gisundan sa syudad sa Lapu-Lapu nga 444 ang kaso ug sa Mandaue city nga 214 ka mga kaso ug duha namatay; Talisay City sa 177 cases ug duha namatay; ug Minglanilla sa 138 cases ug duha namatay.
Gawas sa Cebu, ang Tagbilaran City ug mga lungsod sa Talibon ug Ubay nakatala sab og dengue cases.
Base sa samang report sa RESU-7, ang Tagbilaran City nakatala og 74 dengue cases samtang ang Talibon dunay 71 ug Ubay 28.
Ang Canlaon City sa Negros Oriental nakatala sa 29 dengue cases hangtod sa Mayo 7. Ang dengue virus motakod pinaagi sa pinaakan sa lamok. (RTB)
