GIKLARO ni Dr. Fruserma Mary Uy sa Dytr News niadtong Disyembre 8, 2025, nga ang kinatibuk-ang cumulative case sa HIV sa probinsya sa Bohol sukad niadtong 1984 hangtod 2025 mikabat na sa 882.
Sumala sa data nga anaa sa Provincial Health Office (PHO), giklaro ni Dr. Uy nga niining tuiga, Enero hangtod Hunyo 30, 2025, 87 ka kaso ang nakumpirma sa Bohol. Kini sukwahi sa unang gikataho nga 100 ka kaso.
Giklaro sa PHO nga wala pa silay kompleto nga record sa mga kaso gikan Hulyo hangtod karon nga bulan sa Disyembre.
Sa kinatibuk-an nga mga kaso, mas daghan ang natala nga kalalakin-an (Males), samtang mas gamay ang kababainhan (Females).
Ang mga lalaki nga natala adunay labing daghang kaso base sa mode of transmission, nga naglangkob sa : Una ang Pinakadagha mga lalaki nga nakighilawas sa lalaki (Males having sex with males). Ikaduha : Mga lalaki nga nakighilawas sa babaye (Males having sex with Females).Ikatulo: Mga lalaki nga nakighilawas sa lalaki ug babaye (Males having sex with Both Males and Females).
Ang pinakataas nga age group o grupo sa edad nga adunay labing daghang kaso sa HIV sa Bohol mao ang mga nag-edad og 15 hangtod 49 anyos.
Nagpadayon ang PHO sa Bohol sa ilang panawagan alang sa awareness ug testing aron mapugngan ang pagdaghan pa sa mga kaso sa HIV sa probinsya.
