MAGPABILIN ang Bohol ubos sa Alert Level 2 hangtod sa Mayo 31, 2022. Kini segun sa gipahibawo sa Malacañang karong bag-o.
Sa pamahayag nga gibase sa Inter-Agency Task Force (IATF), si Acting Presidential Spokesperson Martin Andanar miingon nga ang Bohol ug ubang mga dapit magpabiliin ubos sa Alert Level 2 gikan kaniadtong Mayo 16, 2022 hangtod Mayo 31, 2022.
Lakip sa mga anaa sa alert level 2 sa susamang lanat sa panahon ang mga dapit sa Luzon sama sa Cordillera Administrative Region: Benguet, Ifugao; Region IV-A: Quezon Province; Region IV-B: Occidental Mindoro, and Palawan; Region V: Camarines Norte, Camarines Sur, Masbate, ug Sorsogon.
Samtang sa Visayas naglakip sa Region VI: Antique and Negros Occidental, Region VII: Bohol, Cebu Province, ug Negros Oriental, Region VIII: Leyte, Northern Samar, ug Western Samar.
Ingon man pipila ka dapit sa Mindanao gikan sa Region IX, Region X, Region XII, CARAGA ug Bangsamoro Autonomous Region in Muslim Mindanao.
Ubos sa Alert Level 2, ang mga establishments ug mga activities gitugotan sa 50% capacity indoors alang sa fully vaccinated adults (ug minors, bisan dili vaccinated), ug 70% capacity outdoor.
Ang National Capital Region (NCR) ug ubang mga areas magpabilin ubos sa Alert Level 1. (RTB)
