BISAN og nakatutok sa siguridad sa kalag-kalag wala usab molugak ang mga lakang sa Police Regional Office (PRO)-7 aron magpabiling hapsay ug malinawon ang Central Visayas.
Gikan sa Oktubre 26 hangtud sa Nobiyembre 1, 2025 ang PRO-7 nakasakmit og ilegal nga drugas nga nibalor ngadto sa P13.4 milyones ug niresulta sa pagkasikop sa 259 ka drug suspects.
Ang maong major haul nagpakita kini nga walay hunong ang PRO-7 sa ilang mga operasyon batok sa mga ilegalista aron protektahan ang komunidad bisan og holiday pinaagi sa intensified operations ug coordination sa local police units.
Samtang sa kampaniya batok sa loose firearms niabot ngadto sa 56 ka armas, duha ka explosives ug 92 ka rounds sa ammunition ang nasakmit ug 28 ka malapason ang nadakpan.
Ang maong accomplishments mas nipaligon sa kaandam sa kapolisan ug pagpakgang sa mga kriminal panahon sa kalag-kalag.
Nakatala usab ang tracker teams og major successes diin 20 ka most wanted persons apil ang siyam ka regional level, lima ka provincial, usa ka city ug lima usab ka municipal-level ug 109 ka other wanted individuals ang nadakpan.
Samtang gihingusgan usab ang kampaniya batok ilegal nga sugal 98 ka tawo ang nasikop ug kapin P15,000 nga pusta ang nasakmit sa kapolisan.
“The confiscation of P13.4 million worth of drugs and the recovery of dozens of firearms demonstrate that PRO7’s operations remain in full force, even during holidays. Our security does not pause; our service does not rest. Central Visayas can trust that we are always on watch”, matud ni PRO-7 Director Police Brigadier General Redrico Maranan. (RTB)
