GIPALIG-ON sa mga Municipal Tourism Officers (MTOs) ug mga representante gikan sa nagkalain-laing tourism establishments sa tibuok Bohol ang ilang disaster preparedness ug resilience pinaagi sa duha ka adlaw nga Capacity Development Workshop on Drafting Business Continuity Plans (BCP) nga gipahigayon dili palang dugay sa Passiflora Cafe sa Tagbilaran City.
Gi-organisar sa Panggamhanan sa Probinsiya sa Bohol (PGBh), pinaagi sa Bohol Provincial Tourism Office (BPTO), ang workshop nagsangkap sa mga partisipante gikan sa lungsod sa Maribojoc, Alburquerque, Danao, ug Antequera sa praktikal nga mga himan ug teknikal nga giya sa pagpalambo sa ilang kaugalingong BCPs, pagsiguro sa pagpadayon sa negosyo sa panahon sa mga kalamidad, kasamok, ug emerhensya.
Ang kalihokan nagsunod sa usa ka inisyal nga pagbansay nga gihimo kaniadtong Setyembre 11–12, 2025, diin 25 ka partisipante ang gitumong sa sukaranan sa Business Continuity Planning. Ang sesyon sa Oktubre naghatag ug mas daghang hands-on nga pamaagi, nga nagtugot sa mga partisipante sa pag-draft ug pagpino sa mga BCP nga gipahaom sa ilang tagsa-tagsa ka lokal nga konteksto sa turismo.
Kini nagtimaan sa ikaduhang batch sa BCP capacity development initiatives ubos sa BPTO, human sa unang serye nga gipahigayon niadtong 2024 nga nagbansay sa 27 ka partisipante ug nagsilbi nga pundasyon alang sa gipalambo nga programa karong tuiga.
Gipasiugda ni BPTO Officer-in-Charge Joanne Pinat nga ang inisyatiba nagpalig-on sa pasalig sa Bohol sa malungtaron ug lig-on nga turismo.
“The tourism industry is highly vulnerable to disruptions, whether from natural hazards, health crises, or operational challenges. That’s why planning ahead is essential, knowing what to do in times of crisis is crucial in sustaining our sites and our communities,” miingon si Pinat.
Ubos sa pagpangulo ni Gobernador Erico Aristotle Aumentado, ang Bohol naglantaw sa iyang kaugalingon sa 2028 isip usa ka globally recognited model of inclusive and sustainable development isip UNESCO Global Geopark. Ang BCP workshop nagsuporta niini nga direksyon pinaagi sa pag-asdang sa usa sa mga nag-unang mga haligi sa kalamboan sa probinsya ang malungtaron nga turismo aron matukod ang usa ka lig-on, taas nga bili sa ekonomiya sa bisita diin ang mga sektor sa turismo, kultura, IT-BPM, ug MSME molambo isip interconnected hubs sa kabag-ohan ug alang sa pagpadayon.
Ang inisyatibo nagpasiugda sa proactive nga pamaagi sa Probinsiyal nga Gobyerno sa pagpalig-on sa kapasidad sa mga lungsod nga nagsalig sa turismo, ilabi na niadtong mga bulnerable sa natural nga mga kapeligrohan ug sa mga epekto sa pagbag-o sa klima, pagsiguro nga ang Bohol nagpadayon sa pagtuboy sa iyang reputasyon isip usa ka andam, malungtaron, ug globally competitive nga destinasyon sa turismo. (RTB)
