SUBSOB na ang pagpangandam sa Bohol Provincial Police Office (BPPO) sa umaabot adlaw sa mga Santos ug Kalag karong Nobyembre 1 ug 2, 2025.
Nagkanayon ang namunuan sa BPPO nga nagpatawag na sila og panagtigom aron mapangandaman ang kalihukan.
Magpakatap og daghang police personnel ang BPPO sa mga dapit nga dugokan og daghang tawo sama sa mga sam-ang ug simbahan.
Nasayran nga nakahan-ay na ang security preparation sa kapulisan maong dili na sila maglisod sa pagpatuman niini ug ilaha nalang kining palambuon.
Gawas sa kapulisan, apil sab sa ipakatap ang ubang personnnel gikan sa ubang law enforcement agencies sama sa Bureau of Fire Protection, Armed Forces of the Philippines, force multipliers ug uban pa.
Gumikan sa nahitanong linog sa Davao diin apektado ang pipila ka bahin sa Bohol, apil sab sa pangandaman sa otoridad ang mga aftershocks kini aron malikayan ang bati nga panghitabo. (RTB)
