SANKO sa Langit nga kalipay ang nasinati sa amahan sa lungsod sa Valencia sa tabang-pinansyal gikan sa Kapitolyo alang sa duha ka dagkong sports event nga himoon sa sunod mga buwan.
Sumala pa pa ni Mayor Engr. Dionisio ‘Neil’ A. Balite, Ph.D sa Valencia nga dako na kini kaayo nga tabang aron magmalampuson ang maong tigi sa paugnat sa kusog ug dako kaayu niya nga garbo nga sa Valencia nga naila isip lugar sa kasaysayan ug kadaugan (Place of history & Victory) ipahigayon tungod kay usa kini ka matang aron mas mapromote pa ang local nga turismo ug mga produkto niini.
Una niini, ang kagamhanan sa Probinsiya sa Bohol nigahin og hinabang pinansyal sa mga lungsod sa Valencia ug Cortes alang sa ilang umaabot nga athletic events.
Sigon ni Mayor Balite nga makadawat ang Valencia og ₱2.8 milyon nga mag-host sa 3rd Congressional District Athletic Meet gikan Oktubre 17 hangtod 19, 2025, ingon man ang Provincial Athletic Meet gikan sa Disyembre 3 hangtod 6, 2025.
Sa laing bahin, si Cortes gihatagan og pundo aron suportahan ang pag-host sa 1st Congressional District Athletic Meet gikan Oktubre 2 hangtod 4, 2025.
Kini nga inisyatiba kabahin sa Strategic Change Agenda sa Kapitolyo pinaagi sa Aumentado-Besas administration, nga nagtutok sa Citizen Engagement and Service nga tumong mao ang pagpalambo sa usa ka probinsya nga konektado sa mga lungsoranon pinaagi sa transparent, real-time nga mga update sa proyekto ug epektibo, responsive nga serbisyo publiko.
Pinaagi sa paghatag og pinansyal nga suporta sa mga local government units, tumong sa Kapitolyo nga masiguro ang malampusong pagpatuman niining mga sporting event, nga nagpasiugda sa panaghigalaay, sportsmanship, ug youth development. (RTB)
