NAGLAGITI ang kadaugan sa mga Balite. Kini human nigula nga mananaug sa miaging piniliay si Senior Board Member Dionisio Victor A. Balite, Ph.D ug ang iyang igsoon, si Dionisio Neil A. Balite, PhD.
Si SBM Victor nidaug batok sa kasamtangang Bise Gobernador nga si Rene Relampagos. 361,722 ang iyang nakuha nga boto ikompara sa 323,998 ni Relampagos.
Suma pa sa mga tigpaniid sa pulitika, “History repeat itself ” kini gumikan kay wala nagtuo nga mapilde ang kasamtangang bise gobernador nga nagserbisyo kaniadto usab isip gobernador sa lalawigan sa Bohol.
Niadtong 2016, gipilde sa amahan ni Vice-Gov elect Balite ang kasamtangang bise gobernador nga si (+) Concepcion Lim.
Si Atty. Dionisio D. Balite, Ph.D ang bise gobernador sa Bohol (2016-2019).
Daug usab via landslide si Gov.-elect Erico Aristotle Aumentado batok sa incubment nga si Atty. Arthur C. Yap. 469,736 kang Aumentado samtang 283,903 ang boto ni Yap.
Ang maguwang usab ni Vice Gov-elect Victor Balite nga si Valencia Mayor-elect Dionisio Neil A. Balite,Ph.D ang bag-ong amahan sa maong lungsod homan gipangpilde sila Ella Garcia ug Barney Balingkit.
Si Atty. Dioning Balite nahimo usab nga mayor sa Valencia kaniadto (1972-1981).
Daug sa 1st district si reelectionist BM Lucille Lagunay samtang 2 ka kaalyado sa ABante Bohol ang nilampos sa 2nd district nga naglakip ni comebacking BM Tommy Atty. “Ukay Ukay” Abapo ug Atty. Jiselle Rae “Jami” Aumentado-Villamor.
Dako usab ang labaw ni Maria Vanessa C. Aumentado sa iyang kaatbang nga si Jaja Jumamoy arun mahimong bag-ong congresswoman sa Segundo distrito.
Sa Tersiero Distrito, kumbati ang resulta gumikan kay dako ang winning margin ni reelectionist Alexie B. Tutor batok ni Katkat Lim, kasamtangang Mayor sa Valencia.
Duha ang nidaug nga Board Member sa ilang grupo nga naglakip nila Board Member-elect Tita Baja ug Board Member-elect Greg Crispinito Jala. (Kahlil Lester O. Camba)
