NANAWAGAN ang bag-ong sakop sa Sangguniang Panlalawigan (SP) sa Bohol BM Mutya Tirol sa pagdeklarar sa Human Immunodeficiency Virus (HIV) isip Public Health Emergency aron pinaagi sa himuong testings, mas daghan ang matambalan niini.
Sigon ni Tirol kinsa usa ka lisensyadong doctor nga ang HIV usa ka virus nga moataki sa white blood cells nga gitawag og CD4 T cells nga mao unta’y moprotektar sa lawas aron dili magkasakit.
Gipasabot niini nga maangkon ug mokatag ang maong sakit pinaagi sa pisikal nga pakighilawas, paggamit og illegal nga drugas pinaagi sa shared needles, o ba kaha contact sa infected blood ug pagpanganak.
Dugang sa babayeng bokal sa unang distrito nga kini nga virus inanay nga mokaylap ug mopatay sa mga CD4 T kon dili kini ma-detect og sayo gumikan kay adunay mga kaso nga taas og lanat ang kagaw sa lawas ug wala’y masinati nga simtomas.
Tungod niini, nanawagan si Tirol nga dili mahadlok sa pagpaubos sa HIV testing aron masiguro nga luwas sa bisan unsang sakit. Ilabi na kon sexually active.
“As your public servant, I join the call of the Department of Health in declaring HIV as a Public Health Emergency — and I commit the full support of the Province of Bohol to this urgent cause,” matod ni BM Tirol dili palang dugay.
“We need to normalize HIV testing — the same way we test for diabetes, hypertension, or tuberculosis,” dugang niya.
Subay niini, nanawagan sab si Tirol sa mga mayor ug barangay officials sa tibook Bohol nga abagan ang mga konstituwente niini sa mas lawom nga pagpasabot kabahin sa HIV lakip na ang pag-awhag kanila sa early detection pinaagi sa pagpaubos sa testings.
“We must bring it into every barangay health station, every outpatient service, every prenatal checkup. Because testing is the first step to healing. And no one deserves to be afraid of knowing their status,” matud ni Tirol.
Basi sa datus nga nakuha sa magbabalaod, moabot sa 5, 101 ka mga bag-ong kaso sa HIV ang natala tibuok nasod sa unang quarter sa 2025.
“Hopefully the declaration of national health emergency will lead to more resources to support various initiatives to address, including increasing the human health resource number two to increase visibility campaigns and third reason is its going to create more avenues for discussion as well as more points for collaboration,” panapos ni Tirol.
Si BM Tirol mao usab ang kasamtangan nga co-chair sa komitiba sa maayong panglawas sa SP. (RTB)
