CATIGBIAN, Bohol – Bisan pa sa mga hagit nga natagamtaman tungod sa COVID-19 nga pandemya, ang kagamhanan sa lungsod sa Catigbian nagpabilin nga ‘on-track’ sa mga proyekto sa inprastraktura alang sa kaayohan sa mga residente niini, sigon ni Mayor Elizabeth ‘Abeth’ Mandin.
Sumala pa ni Mandin nga ang lokal nga gobyerno nagduso sa mga proyekto sa road concreting niini ug pagtukod sa mga sistema sa trabaho sa tubig sa lainlaing mga barangay.
Dugang sa mayor nga daghang kaayong mga proyekto ang Catigbian bisan kon pandemic ug wala kini mahunong tungod kay dunay petsa kon kanus-a kini matapos.
Gipasabot ni Mandin nga ang pondo alang sa mga proyekto gikan sa Local Government Support Fund (LGSF) ug gikan sa nagkadaiyang ahensiya sa kagamhanan sa kauluhan.
Subay niini, personal nga gipasalamatan ni Mandin ang kanhi NYC ug CDA Administrator nga si Benjie Oliva tungod sa dakong contribution niini sa mga mega projects sa Catigbian. (RTB)
