NASIKOP ang usa ka lalako sa usa ka buy-bust operation ang gihimo sa mga personahe sa Inabanga Police Station, DEU pinangulohan ni PCPT Albert R. Sator, uban sa mga sakop sa PIU ug PDEU nga gipangulohan ni PLTCOL Joemar S. Orange dili palang dugay.
Giila ang suspek nga si Joshua Cabido y Dela-serna, usa ka High-Value Individual (HVI) ug gidudahang pusher, 22 anyos, lalaki, Grade 10, walay trabaho, ug residente sa Barangay 1, Islang Brgy. Mantatao, sakop sa lungsod sa Calape.
Miresulta kini sa pagkasikop sa gitumbok nga suspek ug nasakmit ang gibanabanang 1 ka kilo nga shabu nga mobalor og P6,800,000.00 alas 11:50 sa gabii, Hulyo 17, 2025 sa Inabanga Port.
Ang suspek giila nga tigbaligya og ilegal nga drugas sa lalawigan sa Bohol. Human makadawat og report kalabot sa iyang pagkalambigit sa illegal drug trade, gibalhog siya og duha (2) ka semana.
Si PCAPT Albert Satur niingon nga sakay sa Pump boat gikan sa Sugbo nga nagdala og shabu ang gijatahapan.
Ang iyang operasyon nasentro sa lungsod sa Inabanga ug moabot sa palibot nga mga lungsod. Sa report sa Intel, makadeliver kini og 1 ka kilo sa illegal nga drugas matag semana. Ang naila lang sa alyas nga “Tsoy Tsoy” mao kuno ang tinubdan sa iyang supply.
Ang pagkasikop sa suspek dakong kapildihan sa drug network sa lalawigan sa Bohol. Isip bag-ong High-Value Individual (HVI), ang malampuson nga operasyon nagpamatuod sa kakugi sa mga Kapolisan.
Kasamtangang gibalhog sa selda ang suspek ug giandam na ang kasong ipasaka batok kaniya.
Samtang ang No.1 most wanted person sa lalawigab sa Sugbu basikop sa lungsod sa Ubay tungod sa kasong carnapping.
Ang dinakpan nailhan nga si Roger Cañete Ibale, 50, olitawo, panday nga taga Sliding Hills, Labogon, Mandaue City, Cebu ug nadakpan kini sa Purok 4, Sentinala, Ubay, Bohol.
Gisilbihan kini og Warrant of Arrest sa krimen nga Carnapping (Violation of RA 10883) docketed under Criminal Case No. CBU-105845 issued by Hon. Estela Alma A. Singco-Caruso, Presiding Judge, RTC Branch 12, Cebu City, Cebu dated July 17, 2025, for Service of Sentence. (RTB)
