SUGDAN na sa Land Transportation Office Central Visayas ang pagpanakop sa mga motorcycles, motor vehicles nga walay permanent license plates.
Hinungdan ang mga motorista nga nagdala lang sa unauthorized license plates dakpon na sa mga personnel sa LTO-7 subay sa pagpahugot sa ilang kampanya.
Si LTO-7 Regional Director Glen Galario nipahibalo nga nipahugot sila sa ilang roadside operations nga nag target sa motor vehicles nga walay rehistro o delinquent registration, dili luwas o gubaon nga mga motor ug vehicles nga walay proper nga gibutang nga license plates.
Ang pahibalo ni Galario, subay kini sa mandato ni LTO Chief Assistant Secretary Atty. Vigor Mendoza II pinaagi sa memorandum nga giluwatan Hunyo 16, 2025.
“We are informing all motorcycle and car owners in Central Visayas that they need to get their license plates from our office or through their dealers as soon as possible,” sumala pa ni Galario.
Sumala pa ni Galario, ang LTO-7 Law Enforcement Officer’s lakip ang LTO Deputized Agents magsugod sa pagdakop sa mga sakyanan nga walay authorized license plates.
Ang mga nanag-iya og vehicle nga nagpaabot sa ilang mga license plates makahimong maka check sa status online pinaagi sa LTO Tracker website or sa https://ltotracker.com.
Ang LTO7 nipahinumdum sa mga vehicle owners nga adunay improvised plates nga mobisita sa LTO Office kung diin ang replacement plate i apply ug nibayad.
Para sa mga karaang green plates, ang mga tagiya moadto sa pinakaduol nga LTO office aron kini mailisan, apil sab kadtong dunay mga second hand vehicles.
Samtang sa mga bag-ong napalit nga motor vehicles/motorcycles with/without Assigned Plate Numbers ug nigamit sa conduction stickers numbers ug MV file numbers makapangutana sila sa ilang dealers o mobisita sa LTO7 New Registration Unit.
Sa mga vehicles nga wala marehistro dinhi sa rehiyon 7 gipahibalo sila nga moadto sa nagbaligya kanila para sa information sa pag claim sa ilang plates.
Aron mas mapasayon ang proseso sa pag claim sumala pa ni Galario, kinahanglan magdala og photocopy sa Certificate of Registration (CR) Official Receipt (OR), one (1) valid government-issued ID, ipresentar ang original ug mosumiter ug usa ka photocopy niini.
Para sa mga company vehicles angay ang original Secretary’s Certificate ug photocopy sa authorized representative’s ID.
Ang pakyas nga mobutang sa improper attachment, ug tampering with authorized motor vehicle plates usa ka kalapasan nga nagbitbit og multa nga singko mil ka pesos. (RTB)
