NANUMPA isip elected #2 Board Member sa Tersero Distrito si Board Member Dionisio Joseph “DJ” Valmores Balite ug reelected Valencia Mayor Engr. Dionisio Neil A. Balite.
Si BM DJ ang kinamagwangang anak ni (+) Dionisio Victor A. Balite, Ph.D, kinsa nahimong Senior Board Member ug Bise Gobernador aron masunod ang lakang sa iyang amahan nga si Atty. Dionisio “Dioning” D. Balite, Ph.D.
Si Mayor Neil ang ikaduha sa kamanghorang anak ni Atty. Balite ug nahimong Chief of Staff sa panahon nga siya nahimong bise-gobernador niadtong 2016.
Niadtong miaging piniliay, nidaug ang Barug Valencia sa tanang 35 ka barangay sa lungsod.
Suma pa sa mga tigpaniid sa politika, ang mga programa sama sa Duaw-Pamahaw, scholarship programs maoy hinungdan sa maong makabungog nga resulta.
Si Mayor Balite namahayag atol sa iyang State of Municipality Address nga ang panubig ang iyang solusyonan sa iyang ikaduhang termino ug iyang giklaro kini sa tanang kapitan nga nitambong sa maong kalihokan.
Usa ang problema sa panubig ang kanunay nga yangungo sa mga kabaryohan sanglit usa man kini sa basic necessities sa inadlaw-adlaw. (Kahlil Lester O. Camba)
