NISAGOP na ang Department of Trade and Industry (DTI)-7 sa digitalization pinaagi sa paglusad sa Bagong Pilipinas Digital Marketplace, usa ka B2B e-commerce platform diin makabaligya na ang mga local micro, small and medium enterprises (MSMEs) sa ilang mga produkto diha sa online ug makakuha og mga lokal ug international supplier.
Ang Bagong Pilipinas Digital Marketing gilusad kini niadtong Abril 9, 2025 ubos sa pagpangulo ni DTI Secretary Ma. Cristina Roque diin gidungan kini sa national food fair sa Manila.
Tumong sa Bagong Pilipinas Digital Marketing ang paghatag og gahum sa mga MSMEs diin sa pamaagi sa digitalization makita, madungog ug nagbukas sa mas dagkong kompaniya dili lang sa nasud lakip usab sa mga entrepreneurs sa gawas.
Nasayran nga ang maong programa dili kini limitado lang sa mga lugar sa siyudad apan lakip niini ang rural areas diin adunay 38 ka negosyo centers or headquarters nga kaduolan sa mga negosyante kon adunay mga problema ilabi na sa mga senior citizen nga mga negosyante nga dili suhito sa digitalization. Ang DTI nagpadayon sa paghatag og seminar sa digital marketing.
Sa pagkakaron, nagpadayon ang DTI sa ilang roadshow programs diin naadto na nila ang mgah lugar sa Baguio, Cavite, Legaspi, Cavite, Tacloban, Batangas ug Cebu.
Gikatakdang sunod nilang bisitahon ang mga negosyante sa Cagayan De Oro, Davao, ug Pampanga. (RTB)
