NIKUNHOD ang inflation rate sa presyo sa mga nag-unang palitonon ug serbisyo sa Central Visayas sa buwan sa Mayo 2025,
Natala nga nikunhod ngadto sa 0.9 porsyento ang inflation rate gikan sa 2.0 porsyento niadtong buwan sa Abril base sa ulahing datos sa Philippine Statistics Authority (PSA) Region VII.
Sa food and non-alcoholic beverages, ang inflation rate nikunhod ngadto sa 1.6 porsyento gikan sa 0.8 porsyento niadtong Abril niining tuiga.
Dakong contributor niini ang cereals ug cereal products sama sa produkto nga mais samtang ang mga utanon, tubers, ug saging nikunhod usab ngadto sa 14.8 porsyento gikan sa 3.8 porsyento sa buwan sa Abril.
Ang mga highly urbanized cities (HUCs) ug mga probinsiya sa rehiyon nakatampo usab sa kinatibuk-ang pagkunhod sa inflation.
Ang Lalawigan sa Bohol adunay adunay 2.0 porsyento sa buwan sa Abril ug nikunhod kini ngadto sa 1.7 porsyento sa buwan sa Mayo.
Sa Probinsiya sa Sugbo adunay 2.8 porsyento sa buwan sa Abril ug 0.5 sa buwan sa Mayo samtang sa Dakbayan sa Sugbo adunay 1.3 porsyento sa Abril ug 0.5 sa Mayo. Bisan sa pagkunhod sa inflation rate nagpabilin nga adunay dako nga kontribusyon ang sektor sa housing, water, electricity, gas, and other fuels nga adunay 4.0 porsyento sa inflation rate.
Gisundan kini sa mga sektor sa furnishings and household maintenance ug education services.
Gipahibalo usab sa Department of Economy, Planning, and Development (DEPDev)-7 nagpabiling taas ang presyo sa transportasyon ug produktong petrolyo gumikan sa nagpadayong tensiyon tali sa Israel ug Iran. (RTB)
