GAWAS kang Leyte Rep. ug kasamtangang House Speaker Ferdinand Martin Romualdez, laing tulo ka mga pangalan ang milutaw karon nga posibleng magtigiay pagka-Speaker sa Kamara de Representantes sa pag-abli sa 20th Congress karong Hulyo.
Kini gilangkuban nila Bacolod City Rep. Albee Benitez, Navotas Rep. Toby Tiangco ug Ilocos Norte Rep. Angelo Marcos Barba.
Si Benitez, usa ka bilyonaryo, subling mubalik sa Kamara human kini nagsilbing Mayor sa Bacolod City ug giingong suod nga higala ni First Lady Liza Araneta-Marcos.
Samtang si Tiangco, iladong political ally ni Pangulong Ferdinand “Bongbong” Marcos Jr., ang abli sab mahimong Speaker.
Si Barba, first cousin usab sa pangulo, kinsa mitumaw nga bug-at nga kandidato sa speakership sanglit nakitaan kini og potensyal. (RTB)
