GITAKDANG tukion sa National Board of Canvassers kun NBOC ang lain-laing issue sa party-list groups kabahin sa natapos nga 2025 Midterm Elections.
Sa gihimong session sa NBOC human na-canvass na ang 175 ka mga Certificates of Canvass, giawhag ni COMELEC Chairman George Erwin Garcia sa tanang abogado sa mga party-list group nga moduso sa ilang position paer kabahin sa ilang mga issue nga angay hisgotan.
Usa na niini ang gidaghanon sa mga pwesto nga gitakda alang sa mga party-list group.
Nidugang si Garcia nga angay hingpit nang maresolbar kon 63 o 64 ba ka mga pwesto ang gigahin alang sa party-list group diha sa Kamara.
Gawas niini, angay tukion usab ang saktong pagdistribute o paggahin og gidaghanon sa mga seat sa midaug nga mga party-list group sa 2025 Elections. (RTB)
