SIKOP sa mga operatiba sa National Bureau of Investigation (NBI) ang 17 ka mga Taiwanese fugitives diin naglakip kini og usa ka babaye sa Mayo 15, 2025.
Kini human gikataho nga mihimo kini og scamming activities sa usa ka subdivision sa dakbayan sa Sugbo.
Sa pagpakig-atubang sa NBI ngadto sa mga sakop sa mga tigbalita sa Mayo 16, 2025, gipahibaw niini nga unom sa mga dinakpan nga giingong nagtag-tagu dinhi sa Sugbo nga sa gihimong pakisusi giingong mga sakop sa gitawag nga ‘Four Seas Gang’ sa Taiwan ug aduna na’y mga warrant of arrest sa maong nasud.
Nailhan ang mga suspek nga sila si Liu Cheng Chih alyas Chen Ji, Lie Sien, Yan Li ug Lin Xiaoshi nga maoy giingong katumpang sa mga nalutsan og arrest warrant nga sila si Chen Chi-Yuan alyas “Xu Yuan”, Cheng Zhai Sheng alyas “Xiao Chen”, ug Chen Kuan Ting alyas “Qui Tianxing”.
Ang gilusad nga operasyon sa ahensya, pinasubay usab sa hangyo sa Naval Intelligence and Security Group (NISG).
