DYOTAY lamang ang tsansa nga molambo ngadto sa usa ka Tropical Depression ang nasigpatan nga Low Pressure Area kun LPA sud sa Philippine Area of Responsibility kun PAR.
Basi sa uwahing weather bulletin sa PAGASA, ang maong LPA kataposang nasigpatan sa vicinity sa kadagatan sa Mabili, Bohol pasado alas 8:00 sa buntag kagahapon, Mayo 3, 2025.
Bisan gamay lang ang kahigayonan nga ma-bagyo ang LPA, nipasidaan ang PAGASA labot sa masinati nga panagsang pag-uwan-uwan sa pipila ka bahin sa nasud.
Ang PAGASA niawhag sa publiko nga kanunay magmonitor sa dugang weather updates ug magmabinantayon kanunay sa posibleng epekto sa mga pag-uwan sama sa pagbaha ug landslide. (RTB)
