NAHIMONG talinghaga karon ang giingong “party cracks” sa kaatbang sa Team Albur nga mao ang Team Uswag Pa More nga gipangunahan sa kasamtangang mayor sa maong lungsod.
Suma pa sa mga tigpaniid sa politika nga dili magpahingan, dunay 3 ka mga kandidato sa kaatbang ang wala dalha o gikampanya nga dili pabotaran mismo sa ilang mga kauban sa lineup.
Nikatay kini sa social media ug daghan ang nahibulong gumikan kay mayorya man sa Sangguniang Bayan ang nikuyog sa grupo sa mayor.
Ang kasamtangang Sangguniang Bayan sa Albur gipangulohan ni Bise Mayor Alexis Fernan Simeon isip presiding officer.
Si Simeon nikandidato pagka konsehal ubos sa Team Albur nga gipangunahan ni Kagawad Ritchel Lim.
Si Kagawad Dandan Samar kinsa last term na pagka konsehal maoy runningmate ni Lim.
Sila Simeon ug kanhi mayor Bobec Tungol kinsa konsehal na karon ang kaalyado ni Lim samtang ang uban puros dumadapig sa kasamtangang mayor.
Nagpabiling lig-on ang Team Albur bisan pa sa walay undang nga pang-atake sa pikas partido kanila.
Serbisyo nga walay pili-pili maoy ilang pakadak-an gumikan kay nagkabaga na ang wala nalipay sa mga gipanghimo sa kasamtangang administrasyon.
Apil sa nikandidato pagka konsehal sa Team Albur mao sila Tungol, Simeon, Rito Duliguez, RR Ombayan, Oliver Pilota, Harold Buates, Felix Wapanio ug Denden Bitoy.
Dugang pa niini, nitumaw ang mga pangalan nila SK Federated Pres. Khien Alphe Garsuta, ABC Pres. Alex Andoy ug kanhi konsehal Adriana “Angga” Milo nga maoy gipasabot nga dili dalhon sa mga kauban sa grupo. (Kahlil Lester O. Camba)
