NANGUNA si incumbent Governor Aris Aumentado sa voting preference pagka-Gobernador sa Bohol matud sa Holy Name University Research and Publications sa ilang Bohol Poll 2025 survey.
Gihimo ang Bohol Poll 2025 survey niadtong Marso 6 hangtod Marso 29, 2025 ug dunay 400 respondents sa Bohol.
Gilangkoban kini sa 100 respondents gikan sa Tagbilaran, 100 respondents matag district ug margin of error sa Bohol mao ang +/-5%, Tagbilaran City, District 2 ug District 3 mao ang +/- 10%, samtang ang District 1 mao ang +/- 7%.
Kon nahitabo ang election sa maong survey period, si incumbent Governor Aris Aumentado nga naka-angkon sa 80% voters preference ang modaog batok kang Atty. Dan Lim nga duna lay 6% voters preference ug Hardy Leopando nga dunay 2% voters preference.
Sa First District Congressman, si kanhi Tagbilaran City Mayor Baba Yap nga nakaangkon og 50% voters preference ang modaog batok ni incumbent Congressman Edgar Chatto nga duna lay 26% voters preference, Atty. Jordan Pizarras nga dunay 9% voters preference ug Mary Belle Dela Serna nga 0%.
Sa maong survey period ang election, makabungog sab nga modaog si incumbent Second District Congressman Vanessa Aumentado nga naka-angkon og 89% voters preference samtang iyang kaatbang nga si Engr. Modesto Membreve nakaangkon lang og 5% voters preference.
Sa Third District, nakaangkon og 77% voters preference si incumbent Congressman Alexie Tutor nga makabungog sad nga modaog batok sa kaatbang niini nga si Atty. Makdo Castaǹˆeres nga duna lay 13% voters preference.
Samtang, statistically tie ang pagka-Bise Gobernador nga si Board Member Nicanor Besas sa Team Abante nga dunay 31% voters preference samtang si kanhi Board Member Gerry Garcia nakaangkon sa 28% voters preference ug si Santos Abella dunay 11% voters preference.
Gipresentar sa publiko sa HNU Research and Publications ang Bohol Poll 2025 survey results didto sa HNU AV hall dinhe sa Tagbilaran. (RTB)
